دمعة فاطمة للمجالس:
المجلس الثاني لتسقيط مولاتي فاطمة الزهراء عليها السلام
*(مجلس تسقيط مولاتنا فاطمة الزهراء (عليها السلام))*
*(من أعداد خادمتكم// أم قاسم البشراوي)*
*(المقدمة)*
إنا لله وإنا إليه راجعون
عظم الله أجرك يا صاحب العصر والزمان
عظم الله اجوركم يا آل بيت الرسول
عظم الله اجوركم يا موالين في هذه الذكرى الأليمة
السلام عليكِ يا زهراء السلام عليكِ يا بنت رسول الله السلام عليكِ يا زوجة ولي الله السلام عليكِ يا أم الأئمة الأطهار
عليكِ منا سلام الله أبداً ما بقيتُ وبقي الليل والنهار
*(القصيدة)*
قال سُليمٌ: قلتُ: يا سلمان
هل دخلوا ولم يكُ استئذان
فقال: أي وعزَّة الجبار
ليس على الزهراءِ من خمار
لكنها لاذت وراء الباب
رعاية للستر والحجابِ
فمذ رأوها عَصَروها عصرة
كادت بروحي أن تموت حسرة
تصيح: يا فضةُ أسنديني
فقد وربي قتلوا جنيني
فأسقطت بنت الهدى واحزنا
جنينها ذاك المسمَّى مُحسنا
!!!!!!!!!!!!!!!!!!!!!!!!!!!!!
(المحسن وقع على التراب وكأني بهِ يخاطب الزهراء)
يقووول:
*(نعي شعبي/ طور الملا عبد الحي ال قمبر)*
يا يمه اريد اتوسد ابحضنچ ليش اتوسد الاعتاب
أنا من لحمچ اودمچ شيلي جسمي عن لتراب
كفاني ابنزلتي اسمع بدال الزغردة صيحة
ولستگبالي مو چفين حيدر جتني الطيحة
يم حسين لحگيني گبل متروح لرويحة
رضعيني ولو رضعة تبرد گلبي اللهاب
يقلها
نزيف الراس يا أمي بهضني ما توگفينه
وصدري اتهشم اگبالچ يزهرة ما تشوفينه؟!
وحنانچ يشفي آلامي وجسمي ما تحضنينه؟!
يزهرة بالله حمليني وتركي الوگفة خلف الباب
تقله
نزفك يبني باوگفه اذا صدري وگف نزفه
مو بيدي يسگطونك بلا رحمة ولا رأفة
ولو عندي جلد اصنع إلك من مهجتي لفة
يكفي العتب يا محسن ترى گلبي أبعتابك ذاب
يا يمه يا وليدي
شلون عيوني بشوفك وراسي من اللطمة دار
ودي أحملك لكن من العصرة الجلد منهار
وچيفة بالصدر ترضع ونابت بالصدر مسمار
عتابك وجهه للوالد اذا عندك عليه عتاب
يحامي الجار دارك چيف تتركها يحامي الجار ؟!
نار اموجرة بيها وفي گلب البتولة نار
يا كرار ما تنهض الى العدوان يا كرار
نسيت انك بطل خيبر يبو حسين وبطل لحزاب؟!
تتحمل تشوف أمي بليا خمار تتحمل ؟!
تصيح الحگني يا حيدر من الثاني والأول
وترضى يا علي مني جنيني غصب يتنزل ؟!
يليث الغاب ما تحمي عرينك وانت ليث الغاب؟!
الشاعر / علي الكراني
(ما حال الحوراء زينب سلام الله عليها عندما رأت أمها بتلك الحاله)
*(نعي)*
يمه يااايمه
يشيعه ...وين التساعدني يشيعه
عله امي فاطمه الزهره الوديعه
كسروا ضلعها ونكروا البيعه
*
صاحت الحره متألمه
امصيبه وهزت أركان السمه
اويلااااه يمي فاطمه
وينه اليخبر النبي ويعلمه
****
عندك علم لو لا يمختار
إبفاطمه اشصار ما صار
هجموا عليها وشبوا النار
وابصدرها نابت المسمار
*
اتگول مولاتي زينب :--
مسمار نابت ابصدر الزجيه
الحگیلي يفضه شلون بيه
زينب تگول امي خطيه
متألمه يمن سوده عليه
ترحين يحبيبه من اديه
انه عگبچ اضلن بالاذيه
**
(أبوذية1)
الفرح بعدچ فلا شفته ولا مر
وكل يوم أذكر إمصابچ والآمر
يِلوعچ فاطمه ابسوطه والآمر
من رض الضلع ابن الدعيه
(أبوذية2)
كون السطر خدچ.. ما تهنه.
او عساها انشلت ايده.. او ما تهنه ما تهنه.
ولا شاف الفرح يمه.. اولا تهنه ما تهنه.
على افراگ الحنينه اصفك اديه.
المرجع لله ولا حول ولا قوة إلا بالله العلي العظيم
"وسيعلم اللذين ظلموا أي منقلب ينقلبون والعاقبة للمتقين"
بسم الله الرحمن الرحيم
"فَأَقِمْ وَجْهَكَ لِلدِّينِ حَنِيفًا ۚ فِطْرَتَ اللَّهِ الَّتِي فَطَرَ النَّاسَ عَلَيْهَا ۚ لَا تَبْدِيلَ لِخَلْقِ اللَّهِ ۚ ذَٰلِكَ الدِّينُ الْقَيِّمُ وَلَٰكِنَّ أَكْثَرَ النَّاسِ لَا يَعْلَمُونَ"
صدق الله العلي العظيم
في هذه الايه من سورة (الروم / آية 30) الله سبحانه يوجه خطابه للنبي ص وآله باعتباره عنوان الامه او راس الامه وهذا الخطاب موجه بالتالي للناس جميعا أقم وجهك للدين
أي اتجه للدين لأن الدين هو منهاج حياة به تكاليف للناس (مالهم وما عليهم.. حلالهم وحرامهم) وبه أي (الدين) أحاديث للرسول والائمه وهو منهاج لحياتنا اليوميه منذ الولاده للوفاة، فطرة الله
ففي حديث معتبر يرويه المحدث الكبير الشيخ الكليني في أصول الكافي، قال: سألت الإمام الصادق (ع): ما المراد من قوله تعالى: "فطرة الله التي فطر الناس عليها"... فقال: هي التوحيد. كما ورد في الكافي نفسه نقلا عن بعض أصحاب الإمام الصادق (ع) أيضا حين سأله عن تفسير الآية المتقدمة فقال الإمام (ع) "هي الإسلام ". كما نقرأ حديثا متشابها لما سبق عن الإمام الباقر ع سأله عن تفسير الآية فقال (فطرهم على المعرفة بهِ)، والحديث المنقول عن النبي (صلى الله عليه وآله): "كل مولود يولد على الفطرة حتى ليكون أبواه هما اللذان يهودانه وينصرانه" يؤكد هذا المضمون أيضا. وأخيرا فإننا نقرأ في أصول الكافي حديثا عن الإمام الصادق (ع) أيضا في تفسير الآية قال: "هي الولاية ".
هذه الولاية التي اريقت من أجلها دماء كثيرة ومنها دماء البضعة الطاهرة فاطمة الزهراء ع، فعندما توفي رسول الله (صلى الله عليه وآله) امتنع بلال من الأذان قال: لا أؤذن لأحد بعد رسول الله ص وآله، وإن فاطمة (ع) قالت ذات يوم: إني أشتهي أن أسمع صوت مؤذن أبي، فبلغ ذلك بلالاً صعد المنبر فأخذ في الأذان فلما قال: الله أكبر الله أكبر ذكرت أباها وأيامه، فلم تتمالك من البكاء، فلما بلغ إلى قوله: أشهد أن محمداً رسول الله شهقت فاطمة (ع) وسقطت لوجهها وغشي عليها، فقال الناس لبلال: أمسك (امتنع عن الأذان) يا بلال فقد فارقت ابنة رسول الله الدنيا، وظنوا أنها قد ماتت؟ فقطع أذانه، ولم يتمّه، فأفاقت فاطمة (ع) وسألته أن يتمّ الأذان،
*(نعي شعبي/ هجري)*
صاحت الزهرا بحزنها قوم أذن يا بلال
خلني أتذكر أبويه الهادي وأيام الدلال
من تأذن جان أيجي ويوقف على بابي الرسول
وآية التطهير يقراها وأسمعه وشيقول
بالصلاة اينادي ويطلب إذن قبل الدخول
ايريد ايقول ابلا إذن في بيتي ما تدخل رجال
يا بلال وبعد ابويه القوم طبوا منزلي وعصروني
وبالصدر ضلعين كسروها إلي
وصاح صايحهم يزهرا لازم ايبايع علي
والوصي قاعد وشاف اعله الوطيه دمي سال
قوم أذن يا بلال وخلي قلبي يستريح
يمكن ايداوي أذانك ضلعي وصدري الجريح
لو أصيح اعله أبويه ما يريدوني أصيح
قوم أذن خلني أبجي واشتكي امن أهل الضلال
ومن صرخ اللهُ أكبر كبّرت أرض وسمه
وكبّرت ويّاه بس كبّر الزهرا فاطمة
صارخه اللهُ أكبر ذي ضلوعي امهشمه
وآني بضعة من الهادي ونوري من نور الجلال
ومن ذكر أول شهاده صرخت الزهرا ابونين
يا إلهي اشهد عليهم سقطوا مني الجنين
ولِطموا اعيوني يربي اقبال أمير المؤمنين
وطبوا الأعدا وسط داره وجرُّوه بالحبال
ومن ذكر ثاني شهاده للنبي الهادي البشير
شهقت الزهرا وجرى من عينها مدمع غزير
وطاحت اعله القاع تتلوى على الضلع الكسير
عالأرض مغشي عليها امن البجا ما ليها حال
ونادى لمنادي ابسرعه يا بلال أخفض الصوت
ولا تكمل هالأذان ارحم الزهرا لا تموت
وتالي من نور الزجيهه تختلي كل البيوت
وتظلم اعلينا المدينه من بعد نور الكمال
أجركم الله فبعد وفاة الرسول ص وآله بثلاثة أيام غصبت فدك ونهبوها منها (وهي أرض ورثتها من رسول الله ص وآله) وردّوا شهادة الصحابة العدول بحجة ان الأنبياء لا تورث، وما كفاهم ذلك بل جمعوا شرّ خلق الله وجاؤوا الى دار الزهراء ع واقتحموا الدار، إذ كسر الثاني بابها الذي كان يستأذن الرسول (صلى الله عليه وآله) في الدخول منه تنقل مصادر الفريقين ان القوم بعد رحيل الرسول هجموا على بيت فاطمة الزهراء وأضرموا فيه النار، وروى خبر الهجوم وحرق الدار جملة من ائمة المخالفين ولم يكتفِ الثاني بالهجوم على الدار واحراقها بل رفع السيف من غمده ووكز به جنبها، ولما صرخت (سلام الله عليها) رفع السوط فضرب به ذراعها، حتى صاحت (عليها السلام): وا أبتاه وامحمداه أي وا مصيبتاه وا بتولاه
أجركم الله ولما ضربها (لعنه الله) ألجأها الى عضادة بيتها، فدفعها وكسر ضلعها من جنبها، وامصيبتااه وابتولاه ولما ضربها اللعين وكسر ضلعها دفع الباب دفعة فعصرها (ع) ما بين الحائط والباب أي وا ويلاه يا صاحب العصر والزمان عظم الله لك الأجر سيدي حتى كادت روحها أن تخرج من شدّة العصره فنبت فيها مسمار من الباب، ونبع الدم من صدرها ومن ثدييها ... أي واويلااااه وبتولاه وامصيبتاااه
وإثر كسر الضلع وانبات المسمار وعصرها بين الباب والحائط حتى أسقطت جنينها من بطنها رحم الله من نادت وابتولاه واسيدتاه..
*(عاشوري)*
صاحت تعالي لي يا فضه وشوفي اشصار آه آه
والله اشصار تسقط جنيني من رفس بطني الغدار
أنا ضلعي تكسر وأنجرح صدري بمسمار آه آه
بمسمار سرعج تعالي وأضربي ساتر علينا
قمت لباب لاكن ما علي أحجاب آه آه
حسبي الرجز من لذت خلف الباب
عصرني وكسر ضلوعي وصدري أنعاب آه آه
سقط مني جنيني وأيست منه
وكأني بها تستغيث يا ابتاه يا رسول الله
*(مجاريد)*
تكله يبوية انا لذت بالباب
يبوية لكن ما علي حجاب
عصرني الرجس وصدري انعاب
بالمسمار وضلعي تكسر
*(أبوذية)*
ورا الباب اختفت فاطم ولاذت
عصرها الما له مروة ولا ذات
الزهرة فزعت من عنده ولاذت
خلف الباب عصرها ابن الدعية.
يا رسول الله~~
ما حال ذلك الجنين المسقط على التراب ومخضب بتلك الدماء يعز عليك يا زهراء وأنتي تنظري إلى جنينك مرمل بالدماء ولسان حال الزهراء مع المحسن عليهما السلام
*(طور؛ نعي شعبي... يقرأ بالحان النواعي العراقيه والعاشوري وغيره)*
.
يبني العدو، اشعنده وياك
واليا ذنب يا يمه عاداك
شنهو السبب وابحقده اذاك
.
يا نجمتي طيحوك عالقاع
عمرك قبل ما يبتدي ضاع
قبل السلام اتقول الاوداع
.
صوتك ولا مره سمعته
و ابموتتك قلبي فجعته
دمك من العتبه جمعته
.
سامحني مو بيدي الي صابك
صوتك خمد مسمع جوابك
رحت وبقيت انصب مصابك
.
حرموني منك، آه يبني
چنت ارتجيك وخاب ظني
ليش العده اخذوك مني
.
لو ينشد الكرار عنك
مجبوره أقلّه مات ابنك
مدري العدو اششاف منك
◆◇◆◈◆◇◆
وكأني بروح المحسن حينما خاطب الزهراء عليها السلام. يقلها
*طور؛ (يمه قد عمر الورد)*
.
يمه * چنت اتمنى، اترضعيني يمه
يمه * بس صدرچ يوسفه ايسيل دمه
يمه * خليني اعله جرحچ خل أشمه
يمه * ضلعچ منكسر وايبان عظمه
.
يا ريت * ما چان الزمن يطغي علينه
يا ريت * چنت اغفى اعله صوتچ يالحنينه
يا ريت * ما چان العدو يظلم ولينه
يا ريت * چنت امشي ويساري في يمينه
*(طور الفراق)*
محسن ، يمه يتانيك المهد
محسن ، انظر على امك يالولد
محسن ، يلي خذت مني السعد
محسن ، ردتك للحسين الضمد
محسن ، رايتك الخوتك سند
محسن ، ياذيني يا يمه الفكد
محسن ، يا دمعه مانشفت ابد
محسن ، يا حلم مذبوح انولد
محسن ، دلالي يا يمه نمرد
محسن ، ما طبك جفني ولا ركد
محسن ، ايامي من بعدك عدد
محسن ، لجلك صرت اهوى الحد
محسن ، يا ورد ومبجي الورد
*(ابوذيه)*
عصرني الضالم اعله الباب ، ورده
وسكط من وردي ياهالناس ، ورده
عسى حالك مثل فرعون ، ورده
بجهنم تصظلي الخنت بيه
أويلي أويلي
*(نعي شعبي)*
والله يا شيعه مصاب المحسن المظلوم ما مثله يشيعه مصاب
عصروا ورا الباب أمه أوخر ميت على الأعتاب
مدري من وقع بالقاع فتح عينه لو بعده
صغير او مدري وش جرمه أرده العدو ابحقده
روع أمه خلف الباب ولا راعى النبي جده
قبل ليشوف هالدنيا شاف الموت خلف الباب
صغير اموسد التربان وأمه ابجنبه غشيانه
أو من عادة أهل المولود لجله اتصير فرحانه
بس هالطفل ضل مطروح ما حد شاله بحضانه
قبل لا يبتدي عمره عدى اعليه الزمان وغاب
بعد ما رد علي للبيت وشاف المحسن او شاله
نادى يبني سامحني أوضل ايجمع اوصاله
أو زادت محنته من شاف زينب قاعده اقباله
تناديه ابحزن يا خوي عليّه ما ترد اجواب
أو من خيم عليه اليل راد يوسده ابقبره
طلع ويّه الحسن وحسين أو منهم سايله العبره
قعد يتأمله او يا حيف عاين أثر في صدره
أثاري رفسة الخوان خلت وسط صدره اصواب
حفر بيده القبر حيدر او خله المحسن المذبوح
أو ظل يتحرك ابقبره كأن ردت عليه الروح
يبويه اشلون تتركني وحيد أو وين عني اتروح
اريدك لمي تاخذني عليها ابقلبي جم اعتاب
أريد اسألها يا بويه حين الهجموا اعلى الدار
ليش اتسترت بالباب عن عين العدا ولجدار
لو قصدت إلك يا بوي جان ارحم من المسمار
ترى هو يوم صوبها قلبي يا أبويه انصاب
يمحسن لو أخبرها عن اعتابك تموت امك
كفاية اعلى الترب ممزوج دمها الطاهر او دمك
جانت في حضنها اتريد يبني أمك اتضمك
شغلها عنك المسمار أو كسر اضلوعها بالباب
يبويه سلم اعليها أو بلغها العذر مني
يوسفه أشلون حرموني حضنها من صغر سني
يبو الحسنين طمنها إذا ما سايلت عني
أنا عند النبي المختار جدي أو جملة الأحباب
بقلم/ سلمان الكراني
*(فزاعيه للمحسن ابن علي بن أبي طالب عليهم السلام)*
=================
المحسن طاح والزهره انكطع ضنها
كومن للزجيه اليوم عازنها
=================
عازنها الزجيه بمحسن ويومه
مكسورة ظلع والروح مالومه
طاح وليدها سابح من ادمومه
نعازيها ... كومن للزهره
ريتك حاضر الزهره يبو الزهره
وتشوف النذل خد بتك يسطره
وتشوف الضلع والصدر والعصره
عصروها ... ما بين الحايط
ريتك حاضر بيوم السكط محسن
وتحسب جم ضلع من بتك انكسرن
مالومه وتون وجروحها ينزفن
مالومه ... وتصيح وليدي
لو حاضر يبو القاسم مجاسوها
بس ما غمضت عينك تولوها
بين الباب والحيطان عصروها
يا بويه ... وتصيح ادخيلك
طاح وليدها المحسن بعتبتها
حمره عيونها وتوجع يونتها
ما بطلت تجري بسكته دمعتها
نواسيها ... والزهره اليوم
=================
خادمة ال البيت //الحجيه ام علي البصره
*&لطمية في شأن سقوط الزهراء&*
يا آلم شافته الزهرة وجم مصاب
عين ملطومة وجنين على العتاب
****
يا آلم شفتي يا زهرة ويا قهر
دار محروقه ومسمار بصدر
وجم ضلع يام الحسن منج انكسر
وحيدره يهمل دموعه بنسكاب
****
ارد اسايل فاطمة اشحال الجنين
من وقع عالقاع بيد الظالمين
منهو شاله وقمطه ولف اليدين
لو بقى مرمي يا ويلي بالتراب
**
مدري منهو استقبله لمن وقع
وفاطمة وقت الولادة ابيا وضع
ما دري من يا صدر هالمحسن رضع
لو نظر دم فاطمة بعتبة الباب
****
ارد اناشد صدق زينب حاضرة
تعاين امها والضلوع مكسرة
اشحال طفلة تشاهد امها مرمرة
تصيح يا فضة ومنها القلب ذاب
****
تقلها زينب هذا مفتاح البلا
نار داري تشاهديها بكربلا
تحرق خيامج تضيع العايلة
وكسر ضلعي تسمعينه بالتراب
****
عصرتي يا بنتي والضلع نكسر
تذكريها لو نظرتي للشمر
بنعله يتربع ويهبر بالنحر
وبوعلي ينادي ولا يسمع جواب
**
خادمة ال محمد// كفاية الشيخ
*&قصيده بحق السيدة الزهراء ع&*
طور*(يخيمات)*
حسافات ضلعج ينكسر يمه حسافات
وأنه بعيني تضل مجموعه دمعات
بعدني زغيره ما احمل الهضمااات
***
بعدج زغيره يم حسن ونويتي عنه تمشين
ما نحمل اغيابج ترى فدوه ييمه تضليين
لو رحتي منهو يضل الي وأنه زغيره تدرين
صعبه عليه غيبتج وهذي سفرتج تبطين
حرامات عنه روحتج يمه حرامات
تخلينه يتامه ونجر حسرات
نضل طول العمر ننعى الحنينات
**
يا يمه صعبه فركتج ونون عليج بهل الدار
نبجي عليج انه وحسن وحسين وحده ومحتار
راح الحجرتج ينتحب ومنه الدمع ضل نثار
فدوه تعالي وعايني شصاير بحال الازغار
مصيبات يومج فاجعه يمه ومصيبات
حجاياتج بقن عل كلب حلوات
رجعي يم حسن يم المروات
****
اتمنى لو ترجع إلي وغفها بحضنها الدافي
يوم الي تركتني ومشت تغيرت كل اوصافي
شوصفها محتاره انه منبعها طيب وصافي
ياما اسهرت ياما اتعبت من عدها ابد منوافي
غريبه اضلن من عكب شخصج غريبه
يوجعني الكلب وايس طبيبه
ما ترحم بحالي هالمصيبه
***
ما صح دوه الهل مرض يشافي الحنينه امي
ضلت عليله وناحله تصيح وتون يضلعي
افكدها ما ضنيت ابد وفركه والم يسهمي
شفجه وعزيزه فاركت ودموع عيني تهمي
حريمه افكدنه حنانج ياهضيمه
ما بطل العزه عكبج لجيمه
يريت وياج وافتني المنيه
تمت بقلمي
خادمة الحجه عج
ام ساره ناصريه
ونسألكم الدعاء والزيارة