يازهراء مدد�(مجالس حُسينية):
مجلس دفن الإمام الحسين وعشيرته
كتبته خادمتكم : فاطمه صالح البطي
دققته واضافة عليه خادمة الزهراء : رقيه صالح البطي
اضافة نعي الختام خادمة الزهراء : سكينه صالح البطي
صلى الله عليك يارسول الله ، صلى الله عليك يا ابا عبدالله
السلام على من غسله دمه والتراب كافوره ونسج الريح أكفانه والقنا الخطي نعشه وفي قلوب من والاه قبرُه
يا غريب يا مظلوم كربلاء
المقدمة:
كربلاء لازلتي كرباً وبلا
مالقي عندك آل المصطفى
كم على تربك لما صرعوا
من دم سال ومن دمع جرى
يارسول الله لو عاينتهم
وهم مابين قتل وسبا
ليس هذا لرسول الله
يا أمة البغي جزا
جزروا نسله جزر الأضاحي
وساقوا أهله سوق الإماء
ميت تبكي له فاطمة وأبوها
وعلي ذو العلا صريعاً
عالج الموت بلا شد لحية ولا مد رداء
( يقول الشريف الرضي لاتقولون ماغسلوا جدي .. شلون؟ )
غسلوه بدم الطعن وما كفنوه
غير بوغاء الثرى
*
يقولون يبني غسلوك بفيض نحرك
وصار الترب يبني كافورك وسدرك
وفي قلوب أهل الولا محفور قبرك
*****
(خليني أوقفج وقفة..جاء السجاد وقف عند جسد لايمين ولا يسار.. صار كلام بينه وبين هالجسد)
أنا السجاد ياعمي اجيتك ياقمر عدنان
قصدي ادفنه جسمك لا يبقى على التربان
جيت انا من الكوفة دمعي يجري من العين
ابا اواريك انا مثلات ماواريت ابويا حسين
بس والله انا محتار ياعمي جفوفك وين
راسك ادري بالكوفة بس في وين هالذرعان
تحرك جسم ابو فاضل وطلع صوته من نحره
يقله تدري انقطعت جفوفي اليمنه واليسره
واذا انت تدور جفوفي ترى عند امي الزهره
تلقتهم وشالتهم الزهره من الميدان
قبل تدفنه جسمي بسألك واريد جواب
زينب صارت ابيا حال من طحت انا عالتراب
خوفي ماتت عليا وقلبها عليا ذاب
من شافتني مقطع وعليا دايره العدوان
( شنو يرد عليه السجاد)
زينب ياقمر زينب قوم الجور سلبوها
سبوها على الهزل وبالسياط ضربوها
وبمجلس ابن زياد بليا قناع دخلوها
وديعة فاطمة وحيدر ترضى تدخل بديوان
( بعد العباس عنده سؤال ثاني عن شنو ) . .
أبسأل عن عضيدي حسين عن حاله وعن أمره
لمن انا ودعته عليا منكسر ظهره
وحده ما أحد وياه ولا واحد ينصره
بالخيم ما بقى وياه غير عليل والنسوان
يقله عن مدلل الزهره لاتسألني ياعباس
كفاية سهم المثلث صابه وخمد الأنفاس
شمر بالسيف حز نحره وصدره بالخيول انداس
****
شفنا اليموت يجيه دفان
يحفر له قبر ويفصل اكفان
ماشفنا اليموت يضل عريان
وتلعب عليه الخيل ميدان
عادة الميت يحضرونه هله
هذا يحفر له القبر وذاك ينزله
ذاك يحضر له الكفن وذاك يفصله
آه ياعادة ماجرت في كربلا
ولن وحده تقول خويا يابن امي ياخويه
انا خويا من غسله ومن حفر قبره
ومن جاب كافوره وسدره
بس الخيل تلعب فوق صدره
*******
المصيبة :
( قبل نقرأ المصيبة خليني أسولف لج عن جسد الحسين شنو صار بهالجسد .. يقول الإمام الصادق أصبح جسده كأنه قطعة من دم.. )
**
جسد الحسين ياشيعة صعبه أوصف احواله
جسد لكن بليا راس قطيعه يمينه وشماله
هالجسد من نور تكون برحم فاطمه الزهره
وبإبهام النبي تغذى وتربى بوسط حجره
تاليها بلا وسادة يتوسد على الغبرة
جسد من كثر دوس الخيل ماتتجمع ضلوعه
جسد والجبد مو وياه جبده بسهم منزوعه
وعلى صدره الشريف آثار رفسة رجل مطبوعه
مثل جثة أبو اليمة ماشفنا ولا بنشوف
متوزعة بطعن الرماح ومتقطعه بضرب السيوف
جفوفه مصدر النعمة ومنه قطعو الجفوف
وأشد مصاب على الجسد مو رضه ولا قطع نحره
ولا سهم المثلث الشاله من خرز ظهره
أشد مصاب ياشيعه ذبح طفله على صدره
*
بقي على التراب ، جاء رجال بني أسد ونساءهم ، أرسلوا النساء للمشرعة يأتين بالماء ، ذهبت النساء وفجعن وقد تداخلهن الرعب والخوف بقلوبهن ، عندما رأو أجساداً مقطعة ،
( بقول لج كل جسد بشوفج تعرفينه ولا ماتعرفينه )،
أول مانظروا، نظروا إلى جسد فيه ألف وتسع مئة ضربة ، ثم نظروا إلى جسد كأنه نور القمر وهو مقطع الأوصال إرباً إرباً ، ورأو طفلاً مقطوع الرأس منخمد الأنفاس ..
**
رحنا قصدنا المشرعة وجينا المعاره
شفنا جسد مرضوض وخلانا حياره
أوصاله كلها مقطعة وتسطع انواره
مقطوع حتى خنصره من كفّه اليمين
بالشمس مرمي عالثرى عريان مسلوب
قلب العدو من شوفته ينفت ويذوب
مطعون باضلاعه وقلبه بسهم مصيوب
يمه رضيع ونظن هذي جثة حسين
ويمه ولد مثل البدر جسمه يتلاله
كثر الضرب والطعن ما غير جماله
ماتنحصى جروحه مقنطر على شماله
الله يساعد قلبها الفقدت هالثنين
شفنا شباب على الثرى جفوفه خضيبه
عريس كنه وزفته لذبحه قريبه
الله يساعدها الفقدته وراحت غريبه
ماظنتي بين العرس والذبح يومين
( وصلتي للي يقضي الحوايج ، بعد شنو شفتو )
قالوا قطّع مرايرنا جسد يم الشريعة
( أبو فاضل بهالماتم ناس كل ليله يجون لاتطلعهم خايبين )
والله قطّع مرايرنا جسد يم الشريعة
مذبوح لكن ذبحته والله فجيعة
حتى من الزندين جفينه قطيعة
*****
ذهبوا لرجالهم وقالوا إن فاتتكم النصرة فلا يفوتكم دفن الأجساد ، تداخلهم الخوف ، قالوا خذوا مقانعنا وأعطونا عمائمكم ، خجلوا من أنفسهم فقالوا نضع لنا عيناً على الطريق ، جاءوا وأول ما وصلوا لجسد المولى الحُـسين ، أرادوا أن يرفعوه فلم يستطيعوا، قالوا اتركوه ولنذهب لبقية الأجساد ، قالوا ولكن إذا دفناها وسألنا الناس ماذا نجيب ؟ لأن الأجساد كلها بلا رؤوس ، وإذا باللذي أوقفوه على الطريق قال تنحوا جانباً فإني أرى فارساً مُقبل ، أقبل الفارس وأول ما وصل لم ينزل من جواده ولكن ألقى بنفسه على الجسد وهو ينادي أبتاه ياحسين ، قال لهم ما الذي أوقفكم على الأجساد؟ ، قالوا لقد جئنا لنتفرج ، قال عجباً حتى من دفنك يخاف الناس يا أبا عبدالله ، قال أطلعونا ماكان هذا قصدكم ، قالوا جئنا لندفنها ولكن تحيرنا في أمرنا ، قال قوموا معي ، خط خطاً بيده قال احفروا هنا ، فدفن الأنصار ، خط خطاً آخر فقال احفروا هنا فدفن حبيب بن مظاهر، ثم قال احفرو هنا فدفن سبعة عشر من بني هاشم ، ومن بينهم القاسم ابن الحسن
يالله خلينا نواسي كريم اهل البيت بهالشباب نقوله سيدي عندنا شباب يردون نظره من عندك
و حينما وصل إلى نعش القاسم ، عليه السلام ، كأني به وجه وجهه نحو البقيع ... تمنى حضور عمه الحسن عليه السلام ، عند دفن القاسم
يا حسن ريتك تجي الدفن الشباب
هذه قاسم بالدمه اصبح خضاب
قوم من قبرك تعال احيي المصاب
و انثر ادموع الدمه ابدال الورد
◆◇◆◈◆◇◆
ثم جاء لجسد المولى الحسين أراد أن يرفعه كلما رفع عضواً وقع الآخر لأنه مقطع إرباً إرباً،
( وعلى مثل الحسين فاليضج الضاجون ) يالله كلنا بصوت واحد نساعد إمامنا زين العابدين بدفن الأجساد ..
طور حدي
شال الجسد بو محمد واتناثرت اوصاله
احنى عليه ايـشـمـه وتمرمرت احواله
ـــــــ
ضم العزيز الصدره ونادى يروح الهادي
عذبني ثگل امصابك وذَوَّبْ يبويا افادي
غصبًا عَلَي خليتك عاري الجسد بالوادي
اعذرني يابو اسـكـينـه مافَزَّعِتْ حَمَّاله
ـــــــ
رِدْتْ أدْفِنَكْ يالغالي بس العدا منعوني
فوگ الـجـمـل بالگوه ياولدي گادوني
گيدٍ ثچيل ابچفي وصوط البغي بمتوني
حبلٍ خَشَنْ بجدامي ودمع الوجن هماله
ـــــــ
عَزَّمْ يِشِيلَه شِـبْـلَـه لاچن تِـحَـيَّـرْ بَمْرَه
ما يرفعه ابذرعانه ايخاف السهم لَيعَورَه
لو شاله من اطرافه اتوزع يولي صدره
وابـن الضبابي الطاغي باقي أثر لنعاله
ـــــــ
نـادى علي ابلوعاته تعلم يربي ابحالي
رغم المرض والعله هدحيلي أمر الوالي
بگطعة حصيره لملم أعضاء ابوه الغالي
جاب الچبد والخنصر وچـفـه وثلث دلاله
ـــــــ
لمن نزل بالحفره حَنْ اوشَـهَـگْ بنفاسه
إِتْمَنَّى يقبله بخده لاكن مو شايف راسه
خر ماتمالك نفسه ابنحره يوسفى باسه
وِتْكَسَرَتْ عبراته اتراب الگبر مـن هاله
السيد موسى السلمان
ابو السيد علي رضا الأحسائي
...
قال يابني أسد علي بقطعة بارية ، جاؤوا له ببارية ، أخذ يجمع الأوصال ، قالوا له هل نعينك ، قال إن معي من يعينني ،
( منو وياه .. وياه رسول الله .. وياه أميرالمؤمنين .. وياه الزهراء .. كلما رفعت عضواً ضمته إلى صدرها ) بس شافها زين العابدين ناده اماه يازهراء اعينني لدفن ابي الحسين
قربي يمه فاطمة بالدفن عينيني
حسين عالغبرى رميه بارض الطفوف
2
وصل للطف العليل و قاصد لدفن الحسين
وقف متحير ينظره والقلب منه حزين
صاح يازهرة تعالي ماإلي بالطف معين
شوفي انصاره يايمه عالوطية مصرعين
وحدي لاتخليني وبالدفن عينيني
ساعديني يالزكية ويرجف ارجوف 2
أقولك حضرته الزهره لو ماحضرت
فاطمة الزهرة اجت له وعينها تهل الدمع
يابني ما اقدر اعينك تدري بكسر الضلع
بس بدور لك كفوفه وكل عضو منه انقطع
وخرز ظهره الي تناثر مع السهم الي انشلع
واللحم هالي انتثر ويوم داسواا عالصدر
وانته ضمد له جراحه وطعن السيوف 2
هلت الزهرة دمعها والضلوع مكسرة
تصيح يمه شالجنيته وياجرم منك جرى
وقامت تدور قليبه وهم تدور خنصره
بكل كتر تلقى عضو من جسمه مرمي عالثرى
ترفعه بالحسرة وتون والصدر منه انطحن
تشيله وتلمه بصدرها بقلب ملهوف 2
ياعلي هذا الجسد جمعته بس كيف الدفن
وانته لاعندك سدر ياعلي ولاعندك كفن
قلها اعطيني عباتج خل اسويها كفن
والغسل بدموع عينج وصارت الزهرة تون
ونزله وسط اللحد ودمه عالمنحر جمد
خادمة ال محمد كفاية الشيخ
ذهب و أتى بيمين الحسين ، مشى قليلاً وأتى بيساره ، ثم أخذ خنصر يمينه المبتور، قالوا ثم رأيناه يخفي شيئاً، فصار يمشي ويقع على الأرض ، قلنا ما هذا الذي أخفيته ، كشف لهم عنها وإذا هي قطعة من قلب الحسين .. ألا من منادي وا حُـسيناه
***
لم جميع أوصال ابوه اللي انقطع واللي انهشم
حتى قطعة قلبه اللي استخرجوها بالسهم
مابقى غير الكريم على الرمح يبرى الحرم
ولفه ومدده بقبره وظل يشمه بمنحره
حنى ظهره على ابوه حسين والله اعلم بحاله
بدال الجفن والتابوت لفه بباريه وشاله
ولم الجسد لمطشر ياويلي وجمع اوصاله
شحاله من نزّله بقبره وقلبه منشطر نصين
( نزله للقبر، العاده إذا مات الأبو أو الأخ من ينزلونه القبر يقولون وين ولده الكبير يكشف عنه، يوسد راسه، ويقبله أما في جبينه أو على خده، لكن أسألج أبو محمد قبّل وآلده وين )
طأطأ برأسه وقبل الحسين في نحره..
***
يقله بويا أنا الصار بيا ماجرى بناس
انا شفتك جسد بالخيل ينداس
وتالي الوقت نزلتــك بلا راس
يقله لقضي بالبجي ليلي ونهاري
مثلك ماشفنا مجفنينه في بواري
من بعد مايضل ثلاث أيام عاري
****
وصل يم جسد مقطع قطعة قطعه
عندما وصل الى نعش أخيه علي الأكبر و دموعه تتجارى ، ...
شبه النبي شاله بالاونين
ناده يالأكبر يا ضوه العين
راح ادفنك عد رجل الحسين
دفنك صعب والله عليه
واشلون اجمعك بين ايديه
طشرت عظامك لأعوجيه
◆◇◆◈◆◇◆
وضع الأكبر عند أقدام الحسين، أراد أن يخرج السجاد من القبر وإذا بصوت يخرج من النحر
**
يقله بويا علي الطفل حط نحره على نحري
لكن بهداي لا ينلچـم جرحه يذخري
( تقول الروايات إذا خرج صاحب الزمان و أشر على قبر الحسين ينكشف القبر، أول شيء يسويه يقوم برفع الرضيع من على صدر الحسين ويقول أصحابي ما ذنب هذا الرضيع )
خرج من القبر وقد ابتلت لحيته بدموعه قال بقي جسد عند المشرعة ، صار يمشي ويقع وهو ينادي عم عباس ضربونا ، عم عباس سلبونا..
***
يابو فاضل .. ترى زينبكم سبوها
يابو فاضل .. بسياط صاروا يضربوها
يابو فاضل .. للمجالس دخلوها
***
أعلمهم بالقبور ، أراد أن ينصرف ، قالوا نسألك بحق الجسد الذي لم تأمرنا بأن نعينك على حمله من أنت ؟، كشف عن لثامه ، تزفر وقال ..
تزفر زفرة المصيوب باحزان
نادى أنا ابن حسين هالمذبوح عطشان
رجع السجاد
( اسألج انتي جالسه تسمعين المصيبة .. ولكن مأمنه على نفسج ومرتاحة ومأمنه على عيالج وأهلج .. لكن زينب بنت علي الليلة وين قاعدة ؟؟ قاعدة مُجللة زينب ؟؟ في شي يسند ظهرها ؟؟ قاعدة على الفرش لو عالتراب في خربة ؟؟ الله أكبر هذا مو مكانج يازينب )
قالت أبن أخي أين كنت ، جئت وعليك آثار الغبار و التراب، قال لها رجعت من دفن أبي ،( قالت يعني أخويا ثلاث ايام مرمي على التراب محد غسله وشاله ) ( عندها سؤال زينب )
****
تقله عمه علي عندي وياك بس نشده
من عادة الميت يوسدوا عالترب خده
شلون دفنت ابوك وراس ماعنده
نعي ختام
زينب تسأل العليل شلون حال الحسين شلون حال العباس بسألك من دفنتهم سألوك عني قلت لهم شنو صار في زينب بعدهم ..
الاخو لو مات اخته تنكسر
تركض الها. الناس وتعظم اجر
منهو مثلي عقب عزها تنسطر
وبالحبل مكتوفه ويجروها جر
امفارق الوالي اشد امن الجمر.
وانا عقب اخواني يحديني زجر
واللي تفقد اخوا تحضرها الاهل.
يصبروها وجم شخص عدها يظل
مايضربوها ويركبوها الهزل
ومن بلد لا بلد تنجر بالحبل
بس اخت عباس لاقت هالفعل
صارت تسأل والعليل يجاوبها
زينب
زينب تهل الدمع بداد
عن حسين خبرني ياسجاد
دفنت الولي لو ضل بالاوهاد
وحطيت تحت المنحر اوسااد
السجاد
يبكي ومنه الدمع كالسيل
دفنته ياعمة بغير تغسيل
انا ارفع كتر و ا لثاني يميل
جسمه ياعمه سحقته الخيل
ودمومه من اجروحه تسيل
زينب
يدفان اخويه بالمقبره
من جاب كافوره وسدره
قلي عسى شربته قطرة
من العطش قلبه صار جمرة
السجاد
دفنت الولي عطشان عمه
وغسله ياعمه فيض دمه
وجسمه توزع وش يلمه
من كل كتر لميت عظمة
زينب
من نزلت خويه بلحده
شلون وسدته اعلى خده
وهو لارس ولاكفين عنده
وسهمه شلع ثلثين كبده
السجاد
ابويه اندفن ماغسليته
ولاكفن عندي و كفنيته
ولا قطرة اميه سقيته
اوصال عمه جمعيته
في كل كتر مفصل لقيته
زينب
يعني ابن امي ماتغسل
ولاسدر لاكافور حصل
ولاراس عالجبلة تعدل
ولانعش مثل الخلق يحمل
ماصح الي القعده معاهم
الم الجثث واقضي عزاهم
علوية الموت ماخذني معاهم
قامت بالهضيمه اتصيح يازهره
ثلاثة أيام ضل مرمي ابغبره
ماحد غسله ولاحفر قبره
يمه ترى كسروا بالخيل صدره
وانتي شصار بيك يازينب ؟
قالت شنو اللي ماصار لي يايمه !
يمه زينب سلبوها
وبحبال خشنه ربطوها
وسط المجالس دخلوها
انا مشيت دربا مامشيته
وچتال اخويه رافجيته
انا من قلت الوادم نخيته
يمه بقيت امحيره واصفق باليدين
انا لاعباس يبرالي ولا حسين
يضربوني من ابگي وتهمل العين
وتبقى عبرتي بصدري تكسر
......
( حطي يدج على قلبج وقولي له )
قضت العشره واحنا ماشبعنا مناحه على الحسين ، لاكن قضى و بقلوبنا خله جرح بقلوبنا شنو هالجرح انتهت الخدمة ماندري نرجع نخدمك ياحسين
...
خـدمة أبو اليــمه شكثر حلوه
من دون الخدامه الدنيا ماتسوه
أرواحنا و أموالنـا فدوه و أقل فدوه
للي أنذبـح و بذبحه حيّــا الإسلام
في كُل عام نحيي عشره بعد عشره
و شِعــار انـردده مـآجوره يا زهــره
و مـا انوفيه لو كل الدهـر نقــرا
على اللي أخته سبوها بالكوفه و الشام
هذي أيام التجاره وهالتجاره غير
كلهـا خيـر هـالأيـام كـلها خـير
أعذرنا يبو اليمه على التقصير
لو دم نبچي مايعادل بچي الأيتام
(*طور هالنوح يازهرا*)
وياللي تناشدني عليمن تهمل العين
كل البجى والنوح والحسرة على حسين
حبه بقلبي وتظهره بصبها دموعي
انا مجبول في حبه ولا اشوفه بطوعي
ياليت قبل ضلوعه انرضت ضلوعي
(*طور الدرج*)
ماغسلوه ولا لفوه في كفن
يوم الطفوف ولا مدوا عليه رداء
عاري تجول عليه الخيل عاديةً
حاكت له الريح مئزراً ورداء
..................
تم بحمدالله وتوفيقه ونسألكم الدعاء لتعجيل الفرج ولقضاء الحوائج وشفاء المرضى لاسيما المنظورين
تم تجميعه بقلم
خادمتكم وخادمة مولاتي الزهراء :
رقيه وسكينه صالح البطي
: مشكول الذمه من يمسح اسم الكاتبة من المجلس أو القصيدة أو يستخدمه بغرض التجـارة
يمكنكم الإشتراك بقنواتنا
قناة خاصة لـ ( المجالس الحسينية )
https://t.me/joinchat/AAAAAEg1y8Cth5chsoWjpQ
قناة خاصة ( لمجالس المواليد )
https://t.me/joinchat/UKia1QWYZ-GNJdj7
قناة خاصة لـ ( القصائد واللطميات )
https://t.me/joinchat/AAAAAFQDLRgsxLDiLfm2kA
الرئيسية 
