يازهراء مدد�(مجالس حُسينية):
أيضا مجلس سبي بنات رسول الله صلى الله عليه وآله
كتبته خادمتكم : فاطمة صالح البطي
دققته و اضافة عليه : خادمة الزهراء : رقيه صالح البطي
اضافة نعي الختام خادمة الزهراء : سكينه صالح البطي
السلام على الحسين ، وعلى علي بن الحسين ، وعلى أولاد الحسين ، وعلى أصحاب الحسين ،
السلام عليك يا أبا عبدالله ، وعلى أختك ، وشريكتك في المصاب ، أم المصائب زينب ،
وأعظم رزء زلزل الكون خطبه
ودكّ الرواسي فهي منه رمام
نادت أيا سائق الأضعان قف لي هنيأةً
فهاهي إخوتي فوق التراب نيام
أُغسل أجساداً لهم بمدامعي
أُكفكفها بالراح وهي سجام
فرقّ لها قلب العدو كآبةً
ناهيك عن رزءٍ رق فيه طغام
( شلون ودعته؟؟ )
قالت أحجاب صوني في أمان الله
عز عليك مسرانا وجسمك مودع
أخي حسين لو خيروني بين المقام والرحيل لاخترت البقاء عندك ولو أكلتني سباع البر
تقله مستحيه يا خليصي ومنك ارجوا العذر
بالغصب نمشي عنك وما حفرنا لك قبر
العذر لله و لك ترى جابوا نياق السبي
والحادي سمعه يصيح بالعجل قومي اركبي
وانا حرمه شلون على الناقه يركبني اجنبي
وصعبه من بعد عباس يحديني زجر
تقله يحق لك تعتب عليا وعليك ماعندي عتاب
بالله سامحني ياخويا أمشي وانت على التراب
معفر على القاع ويم جسمك معفر كم شباب
وفوق صدرك منذبح طفلك ومرضوض الصدر
يا أمان الخائفين بنمشي وما عدنا أمان
القعده عندك ياخليصي أحلى عندي من الجنان
الساتر الله جان احنا بننسبي في كل مكان
ويش اسوي لو على الشمّات حادينا يمر
لوخيروني المقام وياك ولا الرحيل
أختار المقام وياك وابجيك بعويل
لكن شسوي متكفلة بعيلة وعليل
منو يسكت هاليتامى حين يروعها شمر
تقله لاتقول اختي مشت عني وخلتني طريح
ريت ذبحوني ولا ذبحوك وانظر لك ذبيح
بالغصب باعوفك وحاشا اليعوفك يستريح
تنصب عليا رزايا ينقصف منها العمر
لاتقول ماعندج مروة
ولا تقول ضيعتي الأخوة
انا ماخوذة ياحسين قوة
اقعد وشوف الشمر بيا اشسوه
سوطه على متوني تلوى
خويا الشمر والله هضمني
ضربني على متوني وشتمني
( ثم توجهت لمكان تحبينه ياشيعية، يقولون ماتكلمت بس أشرت بيديها، وين أشرت؟؟ )
أومت بيديها على الشريعه الهاشميه
وقالت ياخو زينب ترى زينب سبية
ياخويا الناس تتفرج عليه
ويا الغرب ياحسين صعب ممشى الغريبة
والقوم مافيهم زكي وأمه نجيبه
كلما مشينا قالوا الكوفه قريبة
****************
*المــصيبـة :*
ياحبيبي ياحسين
نور عيني ياحسين
أنا لا أنسى الحسين
وهو دامي الودجين
هذا اللي نقول له ياحبيبي ، هذا اللي نقول له يانور عيني ، يقول اللذين رضوا جسده الشريف ، دخلوا على ابن زياد، قالوا لقد رضضنا جنان صدر الحسين ، شنو يعني جنان صدره؟؟ أكو بعض العظام في الصدر تكون قاسية لايمكن أن تنكسر ، ويقول الأعداء نحن طحناها بحوافر الخيل ،
( قولي له يابو علي ريت صدري دون صدرك )
الإمام الصادق يقول ، أصبح جسد جدي الحسين وكأنه قطعة من الدم ، لذلك زينب بالليل على وحشتها وغربتها وضيعتها ، أرادت لو أن الليل يدوم ولا يظهر فجر الحادي عشر ،
( ليش هالأمنية يازينب )
تمنيته يطول الليل لو هالحالة القشرة
يوم احدعش يوم الشوم ليته ماطلع فجره
انكشف ليا الضوى ولاحت جنايزكم على الغبره
جيء بالنياق الهزيله
( أول ماشافت زينب النياق لوين توجهت؟؟ )
تقله إلى اختك قوم عن لتراب ياخوها
ترى جابوا إليها حبال بيجتفوها
ذبحوكم وضلينا بلا حامي
وبعد شوفك وانت تحرس خيامي
أشوف احبال قاسية والسوط قدامي
وأشوف نياق الهزل لينا جابوها
وضربت اشواط بالمعركة مو شوط
أركض والعدو يركض ورايا بسوط
وباجر زندي يصبح بالحبل مربوط
واختك بين رجال يسبوها
أنظر للحبل وانظر إلى الأطفال
وبالحال أسأل نفسي وإيدي على الدلال
رقية شلون تتحمل تنسحب بحبال
( خلينا نروح لرقية بالخرابة ونطلب مراد منها تراها عطاية ها، لما شافت راس الحسين شنو قالت )
قالت بويه ايدي ناعمة وماتتحمل حبال
أنا من اصرخ ياعلي يضربني الجمال
فجاؤوا بالنياق الهزل ، ماذا تريدون ؟؟ قالوا نريد أن نُركبكم ، قال العليل دعوا عماتي يُركبن بعضهن بعضا، وإلا قلبتها عليكم عاليها سافلها، قالوا دعوه ، صار هو وعمته يُركبون النساء حتى لم يبقى سواهما هو وعمته ، صاح عمه زينب اركبي على الناقة ، قالت ابن اخي اركب انت أولاً ، قال لا ياعمة إذا أنا ركبت فمن يُركبكِ على الناقة ؟؟
قال الها وهو يلفظ بالانفاس
اركبي انتي وخليني ويا هالناس
دارت عينها وصاحت ياعباس
صاحت ياعباس م انت اللي جبتني
وبيدك ياخويا ركبتني
اقعد ياخويا وشوف متني
ترى سياط زجر ورمتني
أركبها رغم علته ، ولكن إمامنا زين العابدين كلما أركبوه وقع على وجهه ، قال شمر، علينا بالقيود والجامعة ، قيد الإمام ببطن الناقة ، ووضع الجامعة في رقبته
( ترى الجامعه عباره عن حديده دائرية كلها مسامير، يعني كلما تحرك الإمام ينبت في رقبته مسمار ) اين الصارخه واعلياه ...
من عادة البـيه مرض ينعاد
ويجونه عمامه بين الراح والراد
ويتعاهدونه بشرب وبزاد
ماشفنا مثل محنة السجاد
إيه والله ماشفنا محنة السجاد
...
سمعنا العليل يمرضونه
هذي العاده يتعاملون وياه بالرفق بالحنان بالموده
طور عاشوري
سمعنا العليل يمرضونه آه آه
لا راد قعده يقعدونه
ماشفنا العليل يألمونه آه آه
وبحبال خشنه يگتفونه
لا تضربون الناقه آه آه
وأنا عليها امقيد
غيرك ماشفنا حادي آه آه
يمشي ولا يتهيد
وأنا كلما طلبت الخفه آه آه
منكم ثقل زدتوني
وأنا عليل وصابر
لويش أنتو اتقيدوني
قيدن يحز ابساقي آه آه
وقيدن يحز بمتوني
قيدن ثقيل وجامعه آه آه
قيدين قيدين مالي قوه
وهو على ظهر الناقه ينظر مرة على يمينه مره على شماله لا يرى الا عيون الاعداء والشامتين شيصيح..
ويلي ماكنه جدي المصطفى صفوة الباري
فوق الجمل ومقيد ايميني ويساري
والجامعه بصدري ودمع العين جاري
والمرض زايد والدما امن اجروحي اتسيل
أركبوهن على النياق ، وإذا بصوت امرأة تقول ،
ياحادي الضعن بالله عليك تاجي
أنا اريد كلمه اودع ابني حلو المحاجي
أريد اشبع على وليدي بواجي
( هذي رمله ) وإذا بواحده أخرى تقول
ياحادي الضعن بالله عليك دني
كلمه اريد اقلها لعلي ابني
( وبعد الثالثة تألم قلبج )
قالت ياحادي الضعن وين تسعى
أنا عبدالله ابني أرد ارضعه
صاحت زينب للحادي بأن يمر بهم على القتلى لتتودع منهم واذ بصوت زينب يعلوا يالله وانتي وياها ..
لمن حدى الحادي .. بودايع الهادي .. لأن زينب تنادي
ريض ياحادينا .. ريض ياحادينا
السلام عليكِ يا زينب يا أم المصائب
لا وين بينا تريد .. تقطع فجوج البيد .. ومشي الضعينة مشيد
ريض يا حادينا .. ريض يا حادينا
مروا على الجاسم .. فوق الترب نايم
نادوا بني هاشم .. خلهم يزفونه
خلهم يزفونه
ريض يا حادينا .. ريض يا حادينا
مروا على الأكبر .. فوق الثرى معفر
نادوا بني جعفر .. خلهم يشيلونه
خلهم يشيلونه
مروا على العباس .. شوفوه فضيخ الرأس
ونادوا جميع الناس .. خلهم يجهزونه
خلهم يجهزونه
ويلي ويلي
مروا على إبن أمي .. فوق الرمل مرمي
ونادوا بني عمي .. خلهم يشيعونه
خلهم يشيعونه
مروا أباشوفه .. يرضى إلى الكوفة
بحبال مجتوفة .. خدري يشوفونه
خدري يشوفونه
بعد بعد بعد
شوفوا بعد طفله .. ومن مفزع النبلة
وخلوني بقبله .. قبلن توسدونه
قبلن توسدونه
وصوا الذي يشيلوه .. لو رادوا يدفونه
فوق الأبو يخلوه .. وبالماي يبلونه
وبالماي يبلونه
مشى الضعن ، وإذا بزينب تنظر للأجساد ، عمه مابك ؟؟ قالت انظر للقتلى هذا على يمينه ، وهذا على شماله ، وهذا على ظهره ، ولكن أنظر لأخي الحسين مكبوباً على وجهه ،
قالت نايم أخويا شلون نومه
حر الشمس غير رسومه
امّدد عالثرى ومسلبة هدومه
سكينه تقول لها عمه من تكلمين ، قالت أكلم والدك ، أين هو والدي ؟؟ أشارت إليه وقالت هذا المرمي ، سكينه لم تتحمل ، ألقت بنفسها على الجسد وهي تنادي أبتاه حسين
بالعادة اليتيمة يمسح الناس على رأسها، يسلون خاطرها ، ولكن كلما أرادوا أن يرفعوا سكينه عن الجسد لم يستطيعوا ذلك ، وإذا بالشمر اللعين ، يجر الطفلة ، ويضرب المدلله الغالية على متونها ، مشى الضعن قليلا ، وإذا بصوت يزلزل كربلاء وضواحيها، شنو يقول
ياحادي الضعن عباس مر بيه
انا اخويه و اريد اسلم اعليه
( بالعادة اللي يروحون كربلا أصعب مواقفهم إذا قالوا باجر بنطلع من كربلا، كل ساعه يروحون مره للحسين مره للعباس ، هذا وانتي تشوفين ضريح وقبه وماتقدرين ، شلون اللي طلعت وشافته مقطع ، شلون اللي شافته مسلب ؟؟ شلون اللي شافته جثه بلا راس حُـسين )
مالي غيرك ياحبيب امي الزجيه
( انتي بعد قوليله ، احنا عندنا غير الحسين ؟ قولي له الذنوب اثقلت ظهورنا ياحسين وعندنا مرضى عندنا حوايج وين نروح )
مالي غيرك .. ياحبيب امي الزجيه
مالي غيرك .. يالجنت خيمه عليه
مالي غيرك .. خويا راح امشي سبيه
ساروا ووصلوا للكوفه ، وبدل ان يستقبلوا أبناء رسول الله بالتعازي ، استقبلوهم بالزينة ، ويأتي أحدهم يقول لولده اذهب لأمك اسألها ان كان عندها ماتريد أن تتصدق به على الخوارج،
تتصدق الوادم علينا
وخير الخلق كله من ايدينه
ماخاب ظنه اليعتنينا
يظل كل سنه يروح ويجينا
وسفه الدهر الخان بينا
ولينا انذبح واحنا انسبينا
( هالكلمه نقراها كل سنه لكن كأنها أول مرة نسمعها )
لما قالوا ستدخلون المجلس ، قالت واحده من نساء الأنصار، واأسلماه، ( شنو يعني وا أسلماه ) هذا يعني استنجادها بعشيرتها بني اسلم ليخرجوها من السبي ، وأخرى استنجدت بالأسديين ، وكل واحدة منهن قبل خروجها من السبي تذهب لزينب وتطلب منها السماح
( ليش تتعذرين من زينب )
تقول لها لأن أهلي وعشيرتي لا يقبلون أن أدخل بالمجالس
( ليش رسول الله و امير المؤمنين يرضون على بنتهم ؟ )
جاءت لزينب طفله من آل عقيل، قالت عمه قد كان معنا نساء كثر إلى أين ذهبوا، قالت لها لقد أتو أهلهن وأخذوهن قالت عمه ونحن أليس لدينا أهل يخرجونا؟؟
كلمن لها وليان اجوها
صاحوا باسمها وطلعوها
ومن الأجانب خلصوها
و زينب لاجدها يجاوبها ولا ابوها
تصيح بصوت وينك يابو فاضل ياخوها
( تجهزي للمصيبة و الفاجعة )
فتح باب الديوان ، فدخلت زينب المجلس ، وابن زياد واضع الراس ، في طشت أمامه وبعود خيزران يضرب ثنايا الحسين،
أنا مو عادتي طبة الديوان
وماكلّمت ياحسين عدوان
وماتخدرت مثلي النسوان
ماحلى الأخت لو عدها خوان
تعيش معززه ومايوم تنهان
( زينب انتي بالكوفه منو اللي قريب يمج؟ )
بويا علي ياداحي الفوارس
بالأمس سور لخدري وحارس
واليوم يدخلوني بوسط المجالس
صعبه الأخت قدام اخوها
يضربها العدو ويشتم أبوها
سبوها اختك يابو فاضل سبوها
ياعباس العدا حرقوا بيوتي
شافوا مشيتي واسمعوا صوتي
انا تمنيت في كربلا موتي
هذه زينب ومن قبل كانت
بفنا دارها تحط الرحال
..................
نعي الختام
اشحال زينب من دخلت الكوفه صاروا على عنادها يمرون عند دار علي
زينب تنادي بصوت مبحوح
طبت الكوفه تشعب الروح
لمسجد علي بويه ابا. اروح
ياديرة الكوفة ياقشرة
لجمتيني كم مرة ومرة
فجعتني في بويه ابطبرة
واليوم اردن ليج حسره
انا الي خدري بيج معروف
وعندي اخوان اتحوفني حوف
ولا طول زينب هالدعي يشوف
خلوني ادخل بيت عزنا
اشم بيه ريحة من ضمدنا
واشكي واجر ونه اعله ونه
يا منجي العذرة افزع النا
من كثر النظر بويه انعرفنا
انه بدار ابوي اليوم مريت
جرني الجدم قوه وتعنيت
دخلت ولقيته خالي البيت
خله البيت يابويه خله البيت
فارغ لقيت البيت واضلم
ذاك الي گنه بيه نلتم
شعجب مامر عليه وسلم
تعال احزام ظهري ورفعت الراس
عليك الناس تمشي وتنشد الناس
شقلهم بعد لاحسين لاعباس
انا عتبي على اهلي الدللوني
وبديار غربه ضيعوني
عزوا المقابر وارخصوني
انا بقيت امحيره واصفق بالأيدين
انا لاعباس يبرالي ولا حسين
يضربوني من ابچي وتهمل العين
وتبقى عبرتي بصدري اتكسر
..............
تم بحمدالله وتوفيقه ونسألكم الدعاء لتعجيل الفرج ولقضاء الحوائج وشفاء المرضى لاسيما المنظورين
تم تجميعه بقلم
خادمتكم وخادمة مولاتي الزهراء :
رقيه وسكينه صالح البطي
: مشكول الذمه من يمسح اسم الكاتبة من المجلس أو القصيدة أو يستخدمه بغرض التجـارة
يمكنكم الإشتراك بقنواتنا
قناة خاصة لـ ( المجالس الحسينية )
https://t.me/joinchat/AAAAAEg1y8Cth5chsoWjpQ
قناة خاصة ( لمجالس المواليد )
https://t.me/joinchat/UKia1QWYZ-GNJdj7
قناة خاصة لـ ( القصائد واللطميات )
https://t.me/joinchat/AAAAAFQDLRgsxLDiLfm2kA
الرئيسية 
